Бичлэгdadido diary
нийт блогчиддоо мэнд хүргэе
зав гарахгүй байсаар байгаад одоо л юм бичиж байна. сая нүдэндээ линз зүүсэн чинь ертөнц их л гоё харагдлаа. би -1,25 зүүдэг байсын. тэгээд шилээ эвдчихээд болохоор юм шиг байхаар нь яваад байлаа. тэгсэн дөрвөн жилийн өмнө яг ийм л хараатай байсан сая шалгуулсан яг адилхан гардаг юм даа. муудаагүй болохоор нь баярлаад л явчихсан. Ер нь линз нүдэнд ямар вэ. хараа сайжруулах ямар дасгал байна вэ блогчидоо.
бичсэн: dadido | төрөл: private 
Холбоос | Мэйлээр илгээх |
Сэтгэгдэл (2) | Сэтгэгдэл бичих
huduu aj ahuid ih nuh haragdaad bhiimaa
erteed bi neg hugshintei yum yarij syylaa. huduu oron nytgiin tyhai. yanz buriin l yum. nair naadmaas avhuulaad. 5 honog nairladag, tom aygaar ehleed airag, daraa ni nermel, daraa ni tsagaan geed yydag gedgiig sonsood barag umnuus ni hordlogond orov. za ter ch yahav. huduugiinhen uursduduu l hurungu oryylah bol bolohgui yum shig sanagdaad yavchhav. neg darga ni ochood bi hydag barina fermerjuulne geed l...yrsgaj uguud l yavdag yum shig. tegeed ter gishuun ingene gesen geed l. zasag odoo unendee inflationiig l barival barav. . huduu aj ahuin management gedeg yumiig tsoo shineer hugjuulmeer yum shig. ali boloh socialist zagvaraas angid. odoogiin ene mahnii chenjuud unendee mongold burtgeliin system hugjuugui bolohoor l mahnii uned ih nuluulj bga. burtgeliin system hugjuud ireheer hetsuu bolno. iimees odoonoos uur togtoltsoog bodoj olvol deer baih daa chenjuud ee. huduu aj ahuin baylag nuguu talaar nuhun sergeegdeh bayalag. ingeheer zalyysaa huduu aj ahuin biznes ashigtai yum bish uu. bi bol chadahgui, bi bol zugeer chalchigch. ta nar chadna shuu. amjilt
бичсэн: dadido | төрөл:
Холбоос | Мэйлээр илгээх |
Сэтгэгдэл (1) | Сэтгэгдэл бичих
blogchid ih olon boljee gej
blogchid uneheer ih olon bolson bna shuu tiimee hu. yunii umnu blog ajilluulj bga zaluuchuudad ih bayarjlalaa. oiriin ued uneheer yum bichij chadsangui. zalhyy hureed...za za yu ch gesen ta nar zaluuchuudiin bolovsrold ih hurungu oruulj bga humuus shuu...
бичсэн: dadido | төрөл: private
Холбоос | Мэйлээр илгээх |
Сэтгэгдэл (0) | Сэтгэгдэл бичих
уйтгар
ойрын үед нэг л уйтгартай байдаг боллоо. Бүр блог бичихээс залхуу хүрээд байх юм. Амьдрал ёстой хачин байна аа. Яадаг ч юм билээ. Сэтгэл нэг л эзгүүрээд л. Сая Зуун жилийн ганцаардлыг уншиж дуусгалаа. Лав л учрыг нь ойлгосонгүй. Өөр хоорондоо завхайрсан төрлүүд ч юм уу бүү мэд. Эсвэл миний боловсрол дутуу байгаа байх л дөө. Анх ТЭМҮЖИН багшийн Эрх зүйт ёсны лекц дээр очоод бараг унтчихдаг байсан. Юу ч ойлгодоггүй. Сүүлд хоёр жилийн дараа сайн ойлгосон. Хүнд зарим юмыг ойлгоход хугацаа хэрэгтэй байдаг юм шиг. Стресс гэдэг нь энэ юм болов уу за бүү мэд.
бичсэн: dadido | төрөл: private
Холбоос | Мэйлээр илгээх |
Сэтгэгдэл (1) | Сэтгэгдэл бичих
блог бичигчид цөөрсөөр байгаа юм шиг
энэ үнэн үүү
бичсэн: dadido | төрөл:
Холбоос | Мэйлээр илгээх |
Сэтгэгдэл (6) | Сэтгэгдэл бичих
Баяр хүргэе Монголчуудаа
Баяр хүргэе Монголчуудаа та нар шүү...сэтгэл хөдлөөд уйлчих гээд байх юм. Ер нь олон монгол хүн уйлсан байх. Одоо ч хүртэл бодохоор нулимс цийлэгнээд байх юм. Гадны тамирчид алт авахаар дотроо атаархаад л байсан шүү. Манай нэг ирчихдэггүй юм байх даа гэж. Баярлалаа Түвшинбаяраа
бичсэн: dadido | төрөл:
Холбоос | Мэйлээр илгээх |
Сэтгэгдэл (0) | Сэтгэгдэл бичих
Мессеж найз
Сарын өмнө нэг охинтой мессежээр санамсаргүй танилцсан. Анх танилцаад Бие биенээсээ баахан юм асуугаад л хариулаад л. Бодвол аль аль нь дотроо хандтай байсан юм байгаа биз. Нэт бол өөрш дээ. Гэтэл хэд хоногын дараа нөгөө охин бичихээ болилоо. Байдаг л нэг охин юм байгаа биз гээд дугаарыг нь устгаад бараг мартсан байсан. Гэтэл дахиад л бичиж байх юм. Анх Танихгүй дугаар байхаар нь “хэн бэ” гээд явуулсан чинь шууд танилцъя гэдэг байгаа. “Миний утсыг яаж олсон юм бэ” гэхээр найзынх нь дугаартай ойролцоо тэгээд алдаад залгасан юм байх Хэн нэгэн нь миний дугаарыг өгсөн юм шиг. Тэгээд хэд хоногийн дараа 10 н жилийн найзтайгаа уулзсан чинь “Сониноос манай авгайн дүү Налайхад төрсөн чинь. Манай ангийн хэн Налайхын төрхөд байна лээ” гэдгийн. Тэгсэн мессеж найз маань энэ жил төгсөөд Налайхын төрхөд эх баригчаар ажилладаг байгаа юм даа. Нэр нь болохоор өөр л дөө. Миний дугаарыг манай гар өгчихсөн юм уу гээд ажиглахаар үгүй болтой. Тэгэхээр цэвэр тохиолдол байсан бололтой. Гэхдээ гайхаад л байгаа юм. Ямар ч хүн “Чи хэн бэ” гэж мессеж явуулахаар шууд “танилцъя” гэж replyдах гүй дээ бараг. Эсхүл тийм хүн тоодоггүй юм уу. За ямар ч байсан “НАЙЗТАЙ” л охин байсан. Салж чадахгүй байсан найзуудаас зарим нь 500 метрийн наана цаана байж ороод ирдэггүй, чимээгүй болчихдог найзуудын дэргэд ч “найзтай” л санагдсан шүү.
бичсэн: dadido | төрөл: private
Холбоос | Мэйлээр илгээх |
Сэтгэгдэл (3) | Сэтгэгдэл бичих
яаж гадаад хэл сурах вэ туслаач
Энэ жил би сургуулиа төгслөө. Дөрвөн жил дотор чамгүй олон хичээл үзсэн байх юм. Тэрэн дотроо англи хэлийг тасралтгүй гурван жил дараалан үзжээ. Англи хэлийг Элементараас нь авахуулаад л үзээд л байлаа. Анхны ном БОНК байлаа. Зохиогчоор нь л ингэж нэрлэдэг юм билээ. Бонкыг тухайн үедээ 6000 төгрөгөөр авч байсан нь хэрэндээ л үнэтэй байв. Олдоц их муу боловч багш олохыг шаардаад л олоод авсан чинь тэр нь Орос хэл дээрх ном байв.. Нэг хэлнээс нөгөө хэлийг сурна гэдэг бусдад маань ядаргаатай байсан нь мэдээж. Үүнийг тэр багш яаж ойлгох вэ дээ. За тэгээд Бонкоо аваад сар гаруй болов уу үгүй Headway үзээд эхэлдэг юм даа. Гурван жил л нүдээд байлаа. Ахидаг юм байдаггүй манайхан. Манан будантай дээр нь нэмээд Legal English ороод эхэлдэг юм даа. Үндсэн хуулийг чинь Англи дээр цээжлээд л... Би яахав урьд нь Монголын Хүүхдийн Ордны англи хэлний дугуйланд явж байсны ачаар дандаа чөлөөлөгдөөд л байлаа. Өнөөдөр харин гороо амсаж байх шив. Манайхны 3 унааны нэг нь заавал англи хэл байлаа. Дашраараа унаад л. Ер нь сургуулиараа тиймэрхүү байлаа. Одоо ч үргэлжилсээр. Манай сургуулийнхан ийм юм уу гэтэл бусад нь бас л нэг гурилтдаг л юм билээ. Уг нь аль арван жилийн 5 ангиас л Орос хэл, Англи хэлний нэгийг заавал заадаг. Анх 1р курсэд ороход өөдөөс англи хэлний цагаан толгой зааж тэнэгтдэг юм даа. Аль 10 жилд нь заачихсан, нөгөөдөх нь сурчихсан байх ёстой юм байгаа биз дээ. Ядаж хүүхдүүдээ төвшингөөр нь хуваагаад хэлийг нь зааж болно биз дээ. Нээрээ шал тэнэг ээ.
Ер нь арван жилд нь заасан шиг заасан, нөгөөдүүл нь сурсан бол ийм олон хэлний курс, дамжаа байх ч байсан юм уу. Курс, дамжааг муу хэлээгүй шүү хамгийн гол нь нөгөө дээд, дунд сургууль нь курс, дамжаа, сургалтын төвөөсөө долоон дор л байгааг харуулж байгаа хэрэг. За тэгээд хамаг буруу нөгөө сурагч, оюутных. За бас хийдэггүй хэнэггүй нөхдүүд ч бий. Гэтэл нөгөө хэнэггүй нөхдүүд маань зарим гадаад дууны үгийг аймаар сайн мэдэж байх юм. Үнэндээ бол хүүхдийн ордныхон маш сайн байсан. Бүгд л анх дэн дунтай байсан. Тэгээд долоо хоногт зөвхөн 3 өдөр цаг таван минутаар л хичээллэдэг байсан. Шалгалт гэж үнэндээ шахааны юм байхгүй байхад өөрсдөө сураад болоод л байсан. /Эрдэнэсувд багшдаа баярлалаа гэж бичье/. Гэтэл дээд сургууль…арай ч дээ байв. Өдөр болгон хоёр пар, нэг семистрт 96 цаг ордог, байнгын бие даалттай байсан хэрнээ дор. Гэхдээ би бодохдоо тэр олон залуучууд тийм тэнэг байгаагүй л байх. Сургах арга зүй нь л тиймэрхүү байсан байх. Ангиараа сургуулиараа ноль байна гэдэг бол сурганы алдаа. Ер нь агуу зорилготой байлаа ч арга зүй муу бол юунд ч хүрдэггүй юм шив дээ. Өрөөлд найдахаасаа өөртөө найдъя!
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (0) | Сэтгэгдэл бичих
хэлбэрдэлт
Одоогоос найман зууны тэртээд нэгэн үндэстэн нэгэн тугийн дор нэгдэж Их Монгол Улсыг байгуулсан гэдгийг одоо хүн бүхэн мэдэх бизээ. Түүнээс хойш Монголын байлдан дагуулал, Ариг бөх Хубилай хоёрын тулаан, Юань гүрэн, Цагаадайн улс, Зүчийн улс, Алтан ордны улс, Тогоонтөмөр хааны шившиг,Бага хаадын үе, Халх Ойрадын сөргөлдөөн, Галдан Бошигтын халх руу хийсэн аян дайн, Зүүн гарын хаант улс, Манж чин улсын дарангуйлал энэ бүхнийг түүхээ мэдэх хүн бүхэн мэдэх биз. Энэ бүх үйл явдлын хөлөнд монгол үндэстэн оршсоор өдийг хүрсэн. Харин Их Монгол Улс оршсоор ирсэн юм болов уу. Миний ойлголтоор бол аль хэдийн Юань гүрэн байгуулагдахад л Их Монгол Улс үгүй болсон санагдана. За тэгээд Манж чин гүрний үед Их Монгол Улс оршиж байсан гэж үзэх үү. Нарийн ярьвал дээрх хугацаанд Олон Улсын Харилцаанд монголчууд бие даан оролцож байсан гэж үү. Тэгэхээр Их Монгол Улс байгуулагдсаны 802 жилийн ой гэж ярьдаг зөв үү. Эсвэл ИХ МОНГОЛ УЛС монголчуудын анхны төр улс гэж ойлгуулах гээд байгаа юм уу. Тэгвэл эрдэмтэн Г.Сүхбаатар гуайн “Хүннү монголчуудын эртний өвөг”, “Сүмбэ”, “Нирун” гэсэн номнуудад өгүүлсэн дээр улсууд Монголын анхны төр улсууд биш юм аа гэхэд зарим эрдэмтнийхээр хамгийн анхны төр гэж үздэг ХАМАГ МОНГОЛЫН ХАНЛИГ ч төр биш болж байгаа юм уу. Энэ бичлэгийг уншиж байгаа та РОМЫН ЭЗЭНТ ГҮРНИЙ байгуулагдсаны тэдэн жилийн ой, БРИТАНИЙ ЭЗЭНТ ГҮРНИЙ тэдэн жил, ЕГИПЕТын фараоны тэдэн жил, ОСМАНЫ ЭЗЭНТ ГҮРНИЙ тэдэн жил гээд ТӨРИЙН хэмжээнд тэмдэглээд явсныг сонссон уу, үзсэн үү, оролцсон уу. Миний бодлоор бол РОМЫН ЭЗЭНТ ГҮРЭН бол хамгийн урт настай, агуу эзэнт гүрэн байсан. Одоо буурин дээр нь ИТАЛИ улс гэж байгаа болохоос РОМ мөхсөн. ИХ МОНГОЛ УЛС байгуулагдсаны 802 жилийн ой гэж тэмдэглээд байгаа юм бол ЗЭВСЭГТ ХҮЧНИЙ 87 ЖИЛ, УЛС ТУНХАГЛАСНЫ 83 ЖИЛ гэж тэмдэглэхын утга юу билээ.Би ИХ МОНГОЛ УЛС байгуулагдсаны 800 жилийн ой, ЭЗЭН ЧИНГИС ХААНЫ мэндэсний 840 жилийн ойг хүндэтгэн үзэж, дотроо баярласан. Учир юунд гэвэл би одоо хүртэл оршиж байна гэж үзсэндээ бус эх түүхээрээ бахархсан юм. Гэтэл 801, 802 гээд тоолохоор л нэг биш санагдаад байгаа юм. Одоо хүртэл “ИХ МОНГОЛ УЛС” оршоод байгаа юм шиг. Өнөөдөр бүрэн эрхтэй, тусгаар тогтносон, бүгд найрамдах засаглалтай, “АЛТАН УРАГ” ийнхан биш ард түмэн төрийн эрхийг барьдаг МОНГОЛ УЛС оршиж байна. Эсвэл үүгээрээ өөрсдийгөө “АЛТАН УРАГ” ийнхан гэж ойлгуулах гээд байгаа юм уу “төрийнхөн”. Дээрх бүгдийг “Францчууд одоог хүртэл Бастиллийг чөлөөлсний баярыг хийж нэг тоотой ой тэмдэглээд байдаг бид яагаад болдоггүй юм гэж” гэж үгүйсгэж болох юм. Гэтэл угтаа түүхэн ач холбогдолыг нь буюу “бүгд найрамдах засаглал” анх Францад бий болж ихэс дээдэс, аристократууд бус ард иргэд засаг төрөө барих болсоны баяр юм л даа. Дээрх бичлэгийн цаад агуулга нь жил болгон 801, 802,803 гэж тоолоод байх нь утгагүй байна гэж үзсэн болно. Тэрнээс биш ард түмнийхээ түүхийг үгүйсгэх зорилгогүй болно. Бид түүхээ заавал олон оронтой тоогоор дурсах албагүй. Цаад агуулгаар дурсая. Ер нь сүүлийн үед бид агуулгыг нь умартаад хэлбэрийг нь анхаараад л. Бид Төрийн Есөн Хөлт Цагаан туг, Бурхан Халдун уулын тахилга, Төрийн тамга, Бүх цэргийн Хар Сүлд гээд ИХ МОНГОЛ УЛСын үеийн олон зүйлийг сэргээсэн. Мөн олон тооны суврага, бурхан бүтээсэн. Гэтэл эх орон газар шороо, хүнээ хайрлах нөгөө хайр хайчсан бэ. За тэгээд агуулгыг сэргээе гэдэг нэрийн доор хуучин бүхнийг сэргээх гээд зүтгэчихнэ.Монгол ухаан, заншил бол юун тэр хүн төрөлхтний үнэт зүйлстэй зүйрлэх юм биш. Бид чинь агуу гентэй хүмүүс, ИХ ЗАСАГ бол агуу хууль байсан үүнийгээ сэргээе /үнэндээ бол ИХ ЗАСАГ бүрэн эхээрээ олдсон юм байдаггүй, энд тэндээс нэг эрээвэр хураавар зүйл заалт л олдсон шүү дээ, зарим хүмүүс бараг МНТ оор төсөөлөх гээд байдаг/, буцаад Засагт хан, Алтай хан, Түшээт Хан, Сэцэн хан, Сайн Ноён хан гэж нэрлээд, хошуудад хуваая ч гэх шиг юм яриад явна шүү дээ. Яахав олон ургальч үзэл юм даа л гэхээс. Гэхдээ Үндсэн хуулийн үзэл баримтлалд захирагдана шүү дээ. Эрх зүйт ёсыг төлөвшүүлж Үндсэн хуульт ёсыг дэлгэрүүлж, хүний эрх, эрх чөлөөний зааг хязгаараар төрийн үйл ажиллагаа явагддаг нийгэмд Төрөө дээдэлсэн, хаант засгийг эргүүлж авчиран төрийг бурханчлан тахисан тийм үзэл таарахгүй, авцалдахгүй, улмаар аюул тарина. Хүн төрөлхтөн өнөөдөр эрх чөлөөний үнэ цэнийг улам ихээр мэдэрч байна. Уг нь улиг болмоор л юм. Хоёрдугаар дайн, нацизм, коммунизмын тухай киног гадныхан яасан их хийдэг юм. Угтаа бол эрх чөлөөгүй нийгэм, хувь хүн ямар аймшигтай, эмгэнэлтэй байдгыг, дарангуйлагч нар ямар бузар байсныг мартуулахгүйн тулд хийж байдаг юм шиг. Нөхдүүд үүнийг нь ойлгодог юм уу үгүй юу бүү мэд. Гурван зуун спарт ч гэсэн үнэндээ бол нийтийн эрх чөлөө буюу Liberty г хөндсөн л кино.. Эрх, эрх чөлөө төрийг сулруулдаг, монголчуудад эрх чөлөө зохихгүй гэж зарим хүмүүс ярьдаг, далд утгаараа сурталддаг. Либертари үзлийг заримдаа коммунизмтай адилтган төрийг устгах тухай онол гэдэг. Үнэн хэрэгтээ эрх, эрх чөлөө бол дарангуй, хүнд сурталтай, удаан хөлтэй, махлаг, мяраалаг, данхан толгойтой төрд дургүй болохоос бүхэлд нь үгүйсгэдэггүй шүү дээ. Авилгад дуртай, хууль, хуулийн үндэс болсон эрх чөлөөг уландаа гишгэсэн түшмэд төрийг үгүйсгэдэг болохоос иргэд төрөө үгүйсгэдэггүй юм. Ардчилалтай орон гээд дэлхий дахинд одоо зарлаад байна. Ардчилал аль хэдийн “ярлык” байхаа больсон. Одоо ихэнх нь ардчилсан орон болж байна. Ардчилал яриад АНУ аас мөнгө салгана гэвэл бүр хэцүү болно. Бүгд л болсон болоогүй нэг парламенттай, ерөнхийлөгчтэй, үндсэн хуулийн шүүхтэй, хүний эрхийн гэрээ конвенцид нэгдсэн байдаг. Одоо дэлхий дахинд хэлбэрийн ардчилалаас илүү агуулгын ардчилал хэрэгтэй байна. Эндээс нөгөө GOOD GOVERNMENT гэдэг нэр томъёо улбаалсан байх. Монголоор бол нөгөө сайн удирдлага. Гэтэл энд сайн хэлбэрдээд л байдаг. Тоолж үзвэл жилдээ Сүхбаатарын хөшөө, Чингис хааны хөшөөнд 7сарын 10 өдөр, 11 сарын 26 өдөр Улс тунхагласны ч гэдэг Анхдугаар Үндсэн хууль, 12 сарын 29 өдөр Үндэсний эрх чөлөөний өдөр, 1 сарын 13 өдөр шинэ Үндсэн хууль, 3 сарын 1 өдөр Эх орончдын өдөр, 3 сарын 18 Зэвсэгт хүчний баярын өдөр гээд нийтдээ зургаан удаа мөргөдөг. Мартачихаж Долоон удаа юм байна. Цагаан сараар бас мөргөдөг шүү дээ.Дээрх өдрүүд нь ч гэсэн бараг нэг утга агуулгатай буюу бүгд л эх орон, тусгаар тогтнолтой холбоотой өдрүүд. Бүгдийг нь тэмдэглэнэ. Тэмдэглэхгүй бол алдас. Ховд аймгийн Булган сумаас ирсэн өвгөн хүүхдүүд дээрээ ирэнгээ Чингисийн хөшөөндөө нэг мөргөх, төгсөгчид өмнө нь очиж зураг даруулах гэхээр болдоггүй мөртөө Сонгуулиар хоёр ТОМ намын нэр дэвшигчид бүгд л өмнө нь сөхрөөд байсан. Ер нь хэний юмыг хэнээс харамлаад байна аа.. За тэгээд үе үеийн Үндсэн хуулиудыг алтаар урлаад л, Үндсэн хуулиа зөрчөөд л. Агуулгыг нь ухаарахгүй бол алтаар урлаад ч яах юм билээ дээ..... Хамгийн том төрийн далбаа энэ тэр чих шиг. Азидаа тэдэд эдэд орно ч гэх шиг. Төрийн далбааны том жижгэээс шалтгаалж тухайн улсын хөгждөг бол болжийнэ шд. Энд тэндгүй баахан бэлгэдэлтэй символичная страна болж байна дө. Эцэст нь энэ их хавтгай хэлбэрдэлт хэзээ эцэслэх юм бол доо.
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (1) | Сэтгэгдэл бичих
my life is...
Two months ago I graduated law school. Profession is laweyr. Recent days I always think about my job. Why did I choose this profession. Maybe I was interesting this profession after secondary school. But I had to think about future of job of lawyer. Sometimes I regret my choice. But What did you do at law school for 4 years. It s my mistake. I couldnt spend all time for knowledge and skills. Some people told me that because of this you couldnt get job now. If you got job you will be changed. So some classmates dont worry on job. Or am i hurrying. i registered on police. Family member dont like on my registration. Just in case I wanna get job by uncorruption. But It's dream by some people's opinion. But I respect my profession. I will spend all my skill power for job. If i cant get job i'm gonna go abroad. Maybe a few days later My life will be changed. in the end there is any mistakes on this writing. I m sorry
бичсэн: dadido | төрөл: private
Холбоос | Мэйлээр илгээх |
Сэтгэгдэл (2) | Сэтгэгдэл бичих
Баяр дээр баяр
Наадмаас өмнө найз маань Солонгосоос ирээд, багын найз нар уулзалдаад сайхан байлаа. Түүхийг нь сонссон чинь аймаар өрөвдлөө найзыгаа. Амьд эргэж ирсэн нь их юм байна даа. Ер нь үйлдвэрлэлийн осолд ороогүй монгол хүн гэж бараг байдаггүй гэх юм. Яах вэ юу ч гэсэн зорилгоо бүгдийг нь биш ч гэсэн шат шатаар ахиулсанд нь баяртай байна. Хүн хүнээр бахархах бас сайханшд. Багынхантайгаа уулзсан чинь хүмүүс янз бүрийн л юм хийж байгаа юм байх. Зарим нь аймаар уудаг болж. Арай л дэндүү уух юм даа. За тэгээд өөрсдөө л мэднэ биз. Юу ч гэсэн сайхан байна.
бичсэн: dadido | төрөл: private
Холбоос | Мэйлээр илгээх |
Сэтгэгдэл (0) | Сэтгэгдэл бичих
Сэжигтэй...Төрийн эрх төрөө эвддэг
1933 онд байх. Гитлер Рейхстагийг шатаачихаад коммунистуудыг буруутгаж, ард түмний дунд баатар болж байлаа. Тэгээд эцэст нь яасныг мэдэж байгаа байх. Сая нэг хүн ардчилалд өгсөн саналаасаа буцаж байна tjiгийн блог дээр. Ийм хулчгар иргэдтэй байхад ч ер нь өөдлөхгүй дээ. Зоригтой бай гээд явж чулуу шид гэж байгаа юм биш. Эрх чөлөөтэй хүн биш нэг романтик хортон л юм даа. Ардчилал ардчилсан намын өмч биш. Ард түмний өмч. Өмчөө ард түмэн хамгаалах болов уу. Ханс Хельзен " Хуулийг ямар ч хамаагүй үнээр хамгаалах ёстой гэж" утгыг дөхүүлсэн болов уу. Ху намын байрны гадаах зарим хүмүүс "хамгаалж" л байсан юм. Ардчилал, эрх чөлөө, зах зээл гурвыг боомилно гэвэл өөрөө боомилуулдаг юм шүү. Гитлер Хүний эрх төрөө эвддэг гэсэн бол би Төрийн эрх төрөө эвддэг гээд хэлчихье, биччихье
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (0) | Сэтгэгдэл бичих
Би мартаагүй
Би мартаагүй. Хонгорын цианит натритай яртай тэмбүүтэйгээрээ дуудуулах хонгорынхон, хаа сайгүй асгарах мөнгөн ус, Хадгаламж банкны 14 тэрбум төгрөг, аврал хүлээн нөгчсөн 14 хөвгүүд, амьдралын хэцүүгээс алс хол байгаа монгол ахан дүүсийн гунигтай амьдрал, аав ээж хоёроо солонгосоос хүлээх алаг үрс, ардын наадмаа хийдэг цэнгэлдэхэд 15мянгуулаа дугаарлаж аз жаргалыг хүссэн монгол залуус, утаанд нь уушиг цоортол ханиах ээжийн минь эдгэршгүй ханиад, Хадгаламж зээлийн хоршоо, Бооцоот тоглоомын замбараагүй зөвшөөрөл, хууль засдаг ТОМ ТОЛГОЙ, Арван дөрвөн хүн иддэг азийн чоно,Улсын Ерөнхий Прокурорын УИХ д оруулж ирсэн авилгачдын нэрс, , энэ бүхнийг би мартаагүй. Ард түмэн рүүгээ АКАны ам харуулах тушаал өгсөн тэр хүмүүс, араасаа буудуулж үхсэн хоёр залуу, ардадаа бурууг чихсэн Үндэсний телевизийнхэн, та нарыг би мартахгүй!!!
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (5) | Сэтгэгдэл бичих
санаад байна
Оюутан байхад хурдан төгсөөд алга болох юмсан гэж мөрөөддөг байлаа. Төгссөн хойно харин өөр юм шиг. Шөнө болгон зүүдэндээ сургуулиа, ангийнхнийгаа, Сургуулийн гадаа, монгол япон төвын хашаа , эргэн тойрны муис, сансарын автобус, өгсөж урууддаг тунелээ, багш нарыгаа зүүдлэх юм. Тэд нарыг зүүдлэхгүй шөнө гэж бараг алга даа. Үнэхээр ч их дассаж дээ. Гайзын "Сургууль минь баяртай" г явахаар нэг их сонин сэтгэл гэгэлзээд л. Улсын шалгалтын сүүлийн шалгалтыг өгсөний дараа сэтгэл нэг айхтар баярлаж аваад гайгүй болсон. Хонхны баяраар бүр таг. Диплом авахад жаахан сонин байсан. Харин бүх юм дууссаны хойно хямардаг юм даа. Яваандаа гайгүй болох биз дээ. Гэхдээ санаад л байна.
бичсэн: dadido | төрөл:
Холбоос | Мэйлээр илгээх |
Сэтгэгдэл (2) | Сэтгэгдэл бичих
about National New Party
I dont understand program of National New Party. Because of this yesterday I read newspaper of that party. It's written that Democracy is old opinion. So democracy is great. But sometimes very ugly. We dont need democracy. We need theory of nationalism. Democracy dont able to regulate political crisis, unemployment, increasing of cost. Mongol state must be powerful. Our neighbors'states are powerful. Mongol state must competate with them. there is not constant theory on democracy. After that I remember foreword of Constitution of Mongolia. There is one word. It's civil democratic society. attention If state will powerful there isnt any freedom. There wil be an evil. In the end I would say if there is mistake dont critic on grammar and selection of word. I know that there is many mistakes. bye
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (1) | Сэтгэгдэл бичих
Турах тухай миний түүх
Эр эмгүй өнөөдөр турах тухай ярих болж дээ. Хуучны хөгшчүүл бол нүгэлтэй юм гэх байх даа. Гэхдээ шаардлага болоод байна. Тэр олон шаардлагуудын тухай дурьдаад ч хэрэггүй. Ядаж л толинд харах болгонд өөртөө дургүй хүрэх үе бий. Би багадаа барилдах дуртай хүүхэд байлаа. Гараа гэмтээснээс болоод мөрөөдлөө биелүүлж чадаагүй. Түүнээс хойш ядаж бие бялдараа хөгжүүлэх талаар их анхаарах болсон. Үүний тулд тахир гараа тэнийлгэж эхэлсэн. Тэгээд суниаж эхэлсэн. Суниасны хүчинд цээжний булчин гарын булчин жаахан чангарсан, организмдаа дассан. Гэтэл нэг юмаа мартсан нь гэдэсний таталт. Эрэгтэй хүмүүс болгон сайхан цээжтэй байхыг хүсдэг биз дээ. Гэхдээ хүний дэргэд ичмээр цээжтэй л дээ. Анзаарах байсаар байтал томоос том гүзээтэй боллоо. Махлаг юм гэдэг хүмүүс чинь тарган байна гэдэг юм байгаа биз дээ. Чангараагүй булчин чинь жаахан юм ороход л цүдийгээд байгаа юм чинь. За тэгээд өвөл цагаан сараар бүр хэтэрсэн. Тэгээд орой 18 цагаас хойш юм идэхээ болилоо. Зөвхөн цай л ууж байсан. Өдөр нь бол хусдаг байсан. Үр дүн гарсаан. Юу ч гэсэн нөгөө айхтар гүзээ чинь багассан, бие хөнгөрсөн. Тэгээд дадлагад гарсан чинь эргээд таргалсан. Орой аймаар ядарсан амьтан ирээд идэж өгөөд унтана. Тэгэхээр чинь нөгөө хоол чинь хаагуураа орох вэ. Эргээд л таргалсан. Саяхнаас жингээ барих талаар эргээд 18 цагтаа орлоо. Гэтэл хэцүү юм аа. Өвөл бол дорхноо үр дүн нь мэдэгдэж байсан. Одоо үр дүн нь гарахгүй л байна. Өвөл бол байнгын хөдөлгөөнтэй байсан. Өдөртөө сургууль руу ирж, очих, бусад гээд нийт 5 км алхдаг байсан юм чинь. Хавар цагаа хэмнээд дандаа автобусдаад байсан минь ч бас л нөлөөлсөн байх. Зун хүний бие хөөдөг юм уу өвөл, хавраар жин хасахаас шал өөр юм шиг. Хэрвээ таарсан жиндээ орохыг хүсвэл гэрийнхнээсээ шал өөр хоол идэх хэрэгтэй юм шиг. Манайхан чинь голцуу орой 7,8 үед оройн хоолоо иддэг хүмүүс шүү дээ. Иймд өөрөө тусдаа цагт өөрөө өөртөө хоол хийж идэхээс өөр аргагүй юм шиг. Ер нь гэрт нэг "идэх дуртай" хоолонцор нөхөр байхад бусдыгаа их л уруу татдаг юм билээ. Ганц бие хүмүүс бол турах амархан юм шиг. Гэхдээ жин нэмэх ч бай турах ч бай хөдөлгөөн сайтай, булчингаа чангаруулах л хэрэгтэй юм байна гэдгийг ойлгоод байна. Юу ч гэсэн орой хоол идэхгүй байх өөр байдаг юм байна шүү найзуудаа.
бичсэн: dadido | төрөл: private
Холбоос | Мэйлээр илгээх |
Сэтгэгдэл (3) | Сэтгэгдэл бичих
бахархал
Өөрөөрөө биш өрөөлөөр бахархах сайхан юм. Хөгшин болсон хойноо эрдмийн мөр хөөж, тэвчээр зааж төгссөн ангийнхаа хөгшчүүлээрээ бахархаж байна. Энэ дөрвөн жил та нар байсан шүү. Хөвсгөлийн Баттулга ах, Ариунболд, Жамъян Иш, Энх Уул , Баяржаргалан, Туул нарт амжилт хүсье
бичсэн: dadido | төрөл: private
Холбоос | Мэйлээр илгээх |
Сэтгэгдэл (3) | Сэтгэгдэл бичих
оюутан нас минь баяртай
Нэг л мэдэхэд биш нэлээд хугацааны дараа оюутан нас минь дууслаа. Салхинд эргэх номын хуудас, шалгалтын өмнөх нойргүй шөнө, мартаж санасан тэр л шалгалт, маргаж мэтгэлцэж муудалцсан лекцийн танхим, хоорондоо цэцэрхсэн олон семинарууд, "Нацаг" т оочерлох тэр л өдрүүд, канон хайсан тэр л эрэл, алсаа бодоогүй хэдэн таслалт, хаалга шагайсан тэр л хоцролт, унахдаа уурласан хоёр шалгалт, орших эс оршихуйн заагт очсон алтан дэнс, өөрийгөө мэдрүүлсэн үнэтэй үе, бүгдээрээ буруутай буузны онигоо, 70 авахдаа 90 авсан юм шиг баярласан иргэний шалгалтууд, зорилго нэгт ангийн нөхөд, бие даалтны төлөөх номын сангийн "жижүүр" үе энэ бүхэнтэйгээ цуг оюутан нас ард хоцорлоо. Баяртай хэзээ ч ирэхгүй оюутан нас минь
бичсэн: dadido | төрөл:
Холбоос | Мэйлээр илгээх |
Сэтгэгдэл (2) | Сэтгэгдэл бичих
муслим монголиад
би шүүмжлэлээ гэж л ойлгосон шүү дээ. Үнэхээр ч үнэн үг байсан л даа. Та ч ер нь намайг эвгүй байдалд л оруулчихлаа даа. Нэг болохоор нарцизмтай ч юм шиг үгүй ч юм шиг байдалд орчихлоо. Би өөрөөсөө болж л орчихлоо л доо. Ер нь шүүмжлэл болгонд хариулаад байвал барахгүй юм байна. Буруу ойлгосон доо хүлцэл өчье.. Гэхдээ би үнэхээр хэлбэрдэлтэнд дургүй л дээ.
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (0) | Сэтгэгдэл бичих
муслим монголиад
Юуны өмнө үнэт шүүмжлэл өгсөнд баярлалаа. Намайг шүүмжилж байна гэж ойлгож байнаш дээ. Шударга л байна. Би хэн нэгэнд таалагдах гэж, блогоороо олон хүн оруулах гэж бичдэг юм биш ээ. Бухимдлаа гаргаж буй хэлбэр. Зарим нэг нь бухимдлаараа нөгөө пи ардаж байна гэх байх. Гаргаж байна гээд магнайг очоод зодчилтой нь биш. Гудманд гараад орилоод байх биш. Ер нь ч тэгээд би байгаа орчин үзэл бодлоо л бичнэ. Би онол, сэтгэлгээ бичиж чадахгүй. Хоёр бууны зураг блогт минь байдаг. Би өөрөө буудаж үзээгүй боловч бууг ихээр сонирхдог. Сонирхлоо л тавьсийн.. Би бичсэн зүйлээрээ бахархдаг. Бахархал бол нөгөө субъектив юм. Миний бахархал таны нарцизм юм байна. Нарцизм гэх үгийг би мэдэхгүй ээ. Өвчин л гэх юм. Нөгөө олон измүүдийн нэг л биз. Гэхдээ энэ нь шу ыг доромжилж байгаа хэрэг биш. Ядаж монгол утгаар нь тайлбарлаад өгөөсэй гэсийн. Таг монголчилно гэсэн үг биш. .Та өөрөө эрх зүйч мэргэжилтэй юм байна. Нийгэмд над шиг олон юм бичсэн, ярьсан нөгөө нарцистууд олон тааралдах байх. Энэ олон өвчтнүүдийг эмчлэх жор, заавар байвал их л зүгээр байна.
бичсэн: dadido | төрөл: My opinion
Холбоос | Мэйлээр илгээх |
Сэтгэгдэл (1) | Сэтгэгдэл бичих